«أمهات مصر» يقترح أفضل الوجبات لطلاب المدارس

١ اسبوع مضت ١٦
تطبيق الاخبار للجوال تابعنا على اخبار قوقل

عبير أحمد، مؤسس اتحاد

عبير أحمد، مؤسس اتحاد أمهات للنهوض بالتعليم

قالت عبير أحمد، مؤسس اتحاد أمهات للنهوض بالتعليم إنه يجب إعداد وجبات جيدة وصحية للطلاب من قبل الأمهات داخل اللانش بوكس طوال أيام الدراسة بالعام الدراسي الجديد.

وأضافت عبير، في تصريحات الأربعاء، أن تنويع الوجبات للطلاب التي تحتوي على البروتين والكربوهيدرات مثل الفاكهة والبيض والألبان والزبادي والدجاج واللحوم، والخبز والتوست والفينو وكافة أنواع الجبن، وكذلك الفواكه مثل التفاح والموز والبرتقال والخوخ والبرقوق والجوافة، موضحة أنه من الممكن إعداد بعض الحلويات والمخبوزات داخل المنزل ووضعها داخل اللانش بوكس الخاص بالطفل والطالب.

وشددت عبير على ضرورة استخدام كل طالب المستلزمات الخاصة به فقط، خاصة زجاجة المياه؛ منعًا لانتشار فيروس كورونا والأمراض مع ضرورة شرب السوائل والمشروبات الدافئة في الصباح قبل الذهاب إلى المدرسة لتقوية جهاز المناعة، خاصة في فصل الشتاء.

وتفاعل أولياء الأمور على صفحة اتحاد أمهات مصر للنهوض بالتعليم وصفحة ائتلاف أولياء أمور المدارس الخاصة في فيس بوك، وقالت ولي أمر: "باختصار نرجع للأكل البسيط زي زمان دون تكلف ومبالغة، يعني ساندوتشات الجبن والبيض والمربي ومعاها الخضروات أو الفاكهة، وطبعا السنة دى ممنوع المصروف والكانتين تماما حتى لو المدارس سمحت بيه، ونشتري الحلويات من قبل بيوم عشان نقدر نعقّمها في البيت".

أضافت ولي أمري:"المكسرات والعسل مهمين كتير والمكسرات كمان غنيّة بأوميجا 3 ودى بتساعد على تنشيط الذاكرة وقدرة العقل على التركيز، طبعًا الفاكهة أهم حاجة وياريت العصير يكون بيتى وطازة"، وتابعت أخرى: "ممكن سندوتشات جبن سواء بيضاء أو رومي أو شيدر أو فلَمنك، ومعاها خيار وجزر وساندوتش نوتيلا أو مربى أو حلاوة، لو الطفل مش بيحب الجبن ممكن بطاطس بيوريه أو بوم فري أو برجر بيتي أو كفتة أو بانيه مع إني لا أشجع اللحوم في وجبة الفطار، لكن بنُكون مضطرين بناءً علي رغبة الأطفال عشان نضمن أنهم هياكلوا، وطبعًا لازم وجود علبة لبن أو زبادي وثمرة فاكهة ومفيش مانع من وجود بعض المكسرات زي اللوز أو عين الجمل لو متاحين أو فيشار بدل الشّيبسي والحاجات الأخرى المضرة".

وذكرت ولي أمر: "عايزه أقولكم كمان ياريت نهتم بالأكل اللى أولادنا بيحبوه عشان نضمن إنهم أكلو فعلًا، بلاش نعمل اللى على مزاجنا عشان هما فى الآخر بياخدوا الأكل مننا ويرموا مش بيتاكل ومش بيستفادوا بيه".

  1. الاخبار
  2. اخبار مصر